پایتون یازیلیملاما دیلینده Gtk واسطه‌سییله ایشله‌دیچی رابطلی یازیلیملار یازماق اؤرگتمه‌سینین ایکینجی بؤلومونده، ایشله‌دیچی رابطده ایشله‌نن نرسه‌لرین نئجه ایسته‌دیگیمیز کیمی صفحه‌ده یئرلشدیریلمه‌لری آچیقلاناجاق دیر. قاباقکی یازی کیمی، بو یازیدا دا اؤرگتمه مثاللارلا اؤنریله‌جک دیر.
عموم ایشله‌دیچیلر اوچون یازیلان یازیلیملارا، ایشلنمه‌سینین راحاتلیغی ان مهم خصوصیت ساییلیر. اونون اوچون ده ایشله‌دیچی رابطلرین نئجه یازیلماسینی باشارماق هر بیر یازیلیملاییچییا گرک دیر. ایشله‌دیچی رابطلرینین یازماسی اوچون حاضرلانمیش کیتابخانالاردان بیری Gtk کیتابخاناسی دیر. بو یازیدا بو کیتابخانانین ایشله‌دیچی رابط یاراتماق اوچون نئجه ایشلنمه‌سی آچیقلاناجاق.